الرئيسية  |   المنتدى  
                 
منتديات أملج


العودة   منتديات أملج > المـنــتـديــات الأدبــيـــة > منتدى الشـــعــر

إضافة رد
 
أدوات الموضوع

مــحـــاورات شـعــريه رائعه بين أعضاء المنتدى
قديم 30-05-11, 08:18 am   #1
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي مــحـــاورات شـعــريه رائعه بين أعضاء المنتدى

.....................


هنا سيتم تجميع المحاورات الشعريه التى تتم بين شعراء المنتدى

وهى مجموعه ممتعه حقا وتدل على المخزون الأدبى الذى يتمتع به هذا الصرح الكبير

.....





المحـــاوره رقـــــم ( 1 )




واحدمحتار...........................=
سلام من الجبرتى لاتحسبون الجبرتى مات=ليا ما قامت الصفّه وراه ارجـال يحيونـه
زرياب...........................=
هلا باللي بدع حرفه هلا بااللي كتب صفحات=وانا بضرب بدف القيل لين الناس يوحونـه
جيتك وانا عجلان تطرب حالى الوقفات=ارسم وتاجدنا معك على ماتقول فلحونه
واحدمحتار...........................=
نبى نمشى مع التيار ونشوف المَسـَج والشات= وثالث جيل يكشف لك خفايا كـل مزيونـه
زرياب...........................=
وشوف اللي غدى في قوقله عاجز عن البسمات=ترى قلبه من الرقه غدى في حال مغبونه
واحدمحتار...........................=
أنا بالعب مع الجاهز وعندى صرف للعملات=حضارى باغى الموضه مع اللى يعرف افنونه
زرياب...........................=
مدام دعوتك فالموضه وتبغانا نقول اهات=حضاريها يحضرهـا وباديهـا يغنونـه
صحيح العلم به حيرة صحيح انه قفز قفزات=يعيش اللي عرف نهجه ويجني كنز مخزونه
ندبم الليل...........................=
هلابك ياهلا وسهلا هلابك والشعر مامات=بديع الشاعر المرحوم تولى وإنقضى لونه
زرياب...........................=
الا يانديم الليـل لا تشكـي مـن العتمـات=ترى تبقى المعاني بعدهم والناس يحييونه
واحدمحتار...........................=
دخيلك لاتعسّرها تراها فأول الموجات=بديع الشاعر المرحوم رجاله واقفه دونه
ناصر المحياوى...........................=
هلا يامرحبا ترحيب طيب وابرك الساعات=بشاعر قيمته فالشعر بين الناس مصيونه
واحدمحتار...........................=
عسى فيك البقا يالشاعر اللى نّور الساحات=نبى ندخل قناة الشعر لين انجيب مليونـه
نديم الليل...........................=
برستيج الزمن ملفت إشي طازج وإشي دونات=حلاته من غنم وقته قنـوع وكامـم عيونـه
ليث...........................=
اعود الملعبه والعب مدام اخلت من الضيقات=ومدام ان المجال اصبح جميل وشدت ضعونه
واحدمحتار...........................=
ترى ربك جميل وما نهى عن شوفة الزينات=على أيش أغمٍّض اعيونى وهى بالزين مفتونه
ليث...........................=
ترى لك شهرتك فالشعر ولك فالمعرفه صولات=نبى نسمع حنين الشوق فى نغمـات موزونـه
نديم الليل...........................=
محد قال الحلا ممنوع ولا مانع لك الهقوات=ولكن فتنتـه مـره قليـل اللـي يحلونـه
واحدمحتار...........................=
تبينى فالضحى صايم وتال الليل فى التوراة==وأخلّى نفسى الحره مع الرهبان مرهونـه
نديم الليل...........................=
يغيب الهم والضيقه دواها أسهل الحالات=صيامك والقرايه خير يفرج كل مغبونـه
واحدمحتار...........................=
حياة البدو ما ابغاها قديمه مابها لـذات=ليا حصّلت همبرقر ماعندى نفس للتونه
نديم الليل...........................=
حياتك ياعميل( البيك) على ذوقك تجي ماجات= تولع طيب الخافـق ونـا وشلـي بمكنونـه
دعيتك تأخذ الخطوه على هونك وذي خطوات= لها هاوي وهاويها حسبتـه ماشـي بهونـه
واحدمحتار...........................=
على ألإنسان يستبشر ويستكثر من الخيرات=وتحقيق الهدف ماهو بكيف اللـى يريدونـه
ليا منّى مشيت الدرب أنا ما استنظر الغرات=وليّه فى الحشا هاجس يعلمنـى بمضمونـه
ليث...........................=
قريت افشعرك السابق كثير وشفتلك بصمات=واتوق لمعرفة واحد كثير الناس يطرونـه
واحدمحتار...........................=
أنا فالشعر لى جوله ولى فالمنتدى كسرات=وراعى الكيف دايم علبته فى جنب غليونه
نديم الليل...........................=
تظلي عيشة البدوان مع الفاقه دوا العلات= ومنه شافها قدمت عصر حميض فعيونـه
بيدك تكسب الثنتين مع الساير بلا ونـات= جديدك لو غناك فيوم قديمك فاق بدهونـه
واحدمحتار...........................=
ترى الفكره ليا شابت يجيك القيل به هزات=بقفّلها عسى الحمّيض يجيه الغيث بمزونه
نديم الليل...........................=
حسب ماتريد وتوده عسى ماهزهز الغايات=طرقت القاف بكياسه أسامر من يهلونـه
ولا ياصاحبي رده على هذا النهج بالذات=عسانا للمراد نعـد جديـده لـو تودونـه
ليث...........................=
احب من الشعر جزله ولاادورعلى الغلطات=واسجل فالمثل معنى على قنـه وقانونـه
فتى الحوراء...........................=
جذبني قافكم عنوة ولي فترة عن الساحات=اقلب صفحة الماضي والاقي الدر فبطونه
واحدمحتار...........................=
تظلّى فى قناة الغصب لاما فاتت الدورات=أنا رايح قناة كليب فيها الزين يطرونـه
...........................=وسلامتكم
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 30-05-11, 08:29 am   #2
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

المحـــاوره رقـــــم ( 2 )



واحدمحتار................................=
خـفـّوا الرجل هيـّا وأبدعو فالحروف = يوم كلاً موّرد فالمعانى إرشــاه
وصلّوا الفرض حاضر والجماعه إصفوف = قبل ياتيك قسمك وأنت ماشى صلاه
زرياب................................=
ليت معنى القوافى لوعلينا يروف=واضبط الحرف معكووأدّرج فى سماه
يجيك حرفي جزل وافتش لك المضروف= يدعيك تقرى خوافينا وماحنّانعناه
واحدمحتار................................=
شوف وزن القوافى مانبيها إتطوف = وشوف قامة بحرها سنته من إعراه
وكثرو فى دسمها ما نريد الشلوف = اللى ليا طبت الحلقوم تغدى شراه
أحمد أبوناب................................=
يا هلا مرحبا بعداد من هو يطوف= هيّض القلب شاعر يوم قافه بناه
ودي الصف الأول ما تحاذرت خوف=و من سبق للصلاة أعطاه ربي رجاه
واحدمحتار................................=
مرحبا فيك يا أحمدمن ضمير ٍ ولوف = عاشق الشعر عابر مع طريق المشاه
والشعرمنتدانا عاندته الظروف = نوب يرد الغمير ونوب دبّـة مطاه
أحمد أبوناب................................=
ما عليكم ملام و لا عليهم حسوف = منتدانا بيعمر دام مثلك وراه
لكن الشاعر اللي ترتجي به وقوف= ما يجي كود قافك يحرقه من لظاه
واحدمحتار..................=
مسألتنا محبه ماتجى بالكلوف = وواجب الدار يفرض فى ضميرى وفاه
وما يصير المعزّب يوم جاه الضيوف = يخلف القن معهو عقب مدة إقراه
أحمد أبوناب................................=
الشعر له أصوله و انت عينك تشوف= بعضهم ما يميز طيبه من رداه
لا تجامل غثيث و لا يردك كسوف = بير هداج يفرق عن سبيـّل بماه
واحدمحتار................................=
جزلة الشعر ألأول شوفها فالرفوف =لاحدا جاب مثله ولا قرب مستواه
وخلـّو الشعر كسره فى يدين الضعوف = لاتوصّـف بوصف ولا حلاها حلاه
أحمد أبوناب................................=
الشعر له فنون و شعرنا له صنوف=وكسرة الشعر فن و يا صعب مبتغاه
و ين جزل المعاني و ين شاعر يحوف= لو تغنى بحرفه قمت أغني معاه
واحدمحتار................................=
يشبه الشعر فالكسره بعذراء نصوف= لاتسمّى عجوز ولا تسمى فتاه
لاكن الشعر بحره ماتحده إضفوف = لانهاية محيط ولا بداية فلاه
أحمد أبوناب................................=
حورية الشعر كسرة و القصيدة هنوف=و كل يدور على اللي في حلاها مناه
صل صلاة استخارة قبل حكم عسوف=لا تصدر الحكم جاير ثم تحمل أساه
واحدمحتار................................=
لاتعجّــل بحكمك قبل تقرأ الكشوف = ويش جاب الجبل فالحجم مثل الحصاه
باقى العجز باقى لو تلقّـى الطفوف = لونها جات بإسمه وإحتمت فى ذراه
أحمد أبوناب................................=
ياما طويلات القصايد خاوية جوف = و الغصن في كسرة حواها بمعناه
و كم كسرة من قالها حافها حوف= تغنيك عن ديوان للشعر تقراه
واحد محتار................................=
أنت رجال عاقل ماتريدالجنوف = والسديرى سديرى ماتعود عباه
دير بالك ترانى مستعد بالخروف = كاد تبغى إنتحاكم عند قاضى قضاه
أحمد أبو ناب................................=
الطول بعضه هبل و الناس صارت تعوف=تبغى قليل الكلام العذب في ما حواه
لا هلت الكسرة يجي كل القصايد كسوف = جهز خروفك ترى كل يدور عشاه
...........................=وسلامتكم
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 30-05-11, 08:32 am   #3
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

المحـــاوره رقـــــم ( 3)




=زريــــــــــــــاب
هيا نكتـب مـن مشاعرنـا درر=نوسع الخاطر ويطربنـا المسيـر
ليه فاتـن ماتجـي تكتـب شعـر=توثق المعنى من الحـس الوفيـر
=فـــــــاتــــــــن
يامرحبا بزرياب فى ضـو القمـر=شاعر ٍ محتاج لـه شاعـر كبيـر
إن كاد جبت العلم نعطيـك الخبـر=لـو ماعرفنـا الشـعـر نبـغـى نستعير
=زريــــــــــــــاب
بالحروف الراقيـه يحـلا السمـر=لالقيـت احسـاس حيـاً مايديـر
يـدون حروفـه ويكتبهـا تسـر=من يشوف انه على الصفحه نصير
=فـــــــاتــــــــن
جيتك إمن القدس وسلاحى حجـر= واليهودى من سلاحى مستجير
كيف لينّى جيت عند أهـل البحـر=يطبخون الحوت فى صاج الفطيـر
=زريــــــــــــــاب
مادريت انك معك بعـض الخبـر=يوم جيتي من فلسطيـن الاسيـر
والبحر يجلـي همومـك والكـدر=لابديتي لـك فشطـه كـل خيـر
=فـــــــاتــــــــن
ديرتى خضراء على شـط النهـر=ديـرة الزيتـون والفـل والعبيـر
وأنت تفهم زين من أهـل النظـر=من يترك التفاح ويـدوّر مضيـر
=زريــــــــــــــاب
ثالث الاقداس فيها اشجـع بشـر=اصطـفـاهُ للمنـايـا والنـذيـر
والسمك في ديرتي حتـى البُصـر=حوتنا طـازه ترانـي بـه خبيـر
=فـــــــاتــــــــن
لاتدخّـل فـى مقاسيـم الـقـدر=ما أنته اللى مفتهم وين المصيـر
عيش فى حوتك صباحك والعصـر=ودوّر إنياقـك وعلّفهـن شعـيـر
=زريــــــــــــــاب
انظر لحرفك واعـود اخـذ حـذر=والتقي وجدي يوصينـي ويشيـر
قال هذا لـه مـع المعنـى خبـر=ينوخ حروفـه كمـا وده تسيـر
=فـــــــاتــــــــن
لازم انـك تحتـذر عنـد الخطـر=ماتـورّط فيـه وذراعـك قصيـر
طحـت يازريـاب ماتقـدر تفـر=لو بغيت اتطيـر ماتقـدر تطيـر
=زريــــــــــــــاب
دام عندي ياعـرب حـس وفكـر=اذعذع حروفي كما النسمه عصير
افـرد شراعـي عزومـاً مقتـدر=ما اهاب البحر لـو انـه غزيـر
=فـــــــاتــــــــن
ذعـذع احروفـك علـى فـكـرونظر=لاتظلّى فى مكانـك تستديـر
ان ركبـت شـراع ولاّ بالكـفـر=مالحقـت العيـر خلّـك فالنفيـر
=زريــــــــــــــاب
وين ودك فالحروف اللـي تضـر=وما قريته حدني عنـك استخيـر
لايغـرك ماتقولـه مـن مـكـر=ما وصلت حدود كعـب ولا نميـر
=فاتن
ليش يا أبو سعود تقدح بالشرر=ودك المخراج والمخرج عسير
مسألتنا إمزوح مافيها ضـرر=إن غلبتو أو غلبنا ويش يسير
=زرياب
من صدى حرفك كتبنـا نبتكـر=ترجم احساسي بما هو فالضمير
اشركت نفسي وجاهدت الفكـر=وقعها خلا الصفاوي مستطيـر
=فاتن
طحت يازرياب فى ضابط خفر=مايهمه لا كبيـر ولا صغيـر
شد حيلك جيب معنى له زفر=لاترد لإمشاش واتحسبه غدير
=زرياب
انقفل بـاب الحـوار ونعتـذر=والصفى دايم معانـا مايضيـر
والتحيه للـذي فينـا اختبـر=عندما زان المصافا والمسيـر
حرفنا فيها سما يـوم انتثـر=وقعها الاحرف طفى حر الهجير
ياسلام الله على ربعـا تسـر=حرفهم وافي مثل وبل المطيـر
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 30-05-11, 08:39 am   #4
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

المحـــاوره رقـــــم ( 4 )


واحدمحتار.....................=...............................
ياأمير هات العلم غايب لك شهر= سوّاح ولا ّ كنت فالغرفه سجين
حنـّا اليا انك غبت غايبنا قمر =إعصير ولا ّ تالى الليله يبين
أمير بدنيتى ................=.................................
ياللي تبي الأخبار ماعندي خبر=روّحت ديره طلعها وردٍ وتين
في رحلة استجمام عن جو البحر=ورجعت للديره على تقوى ودين
واحدمحتار.....................=...............................
والمزرعه حقـّة شديـّد والشجر = ماتسلّى الطفشان والقلب الحزين
قول الصحيح ولا تلفلف بالكفر = شوف الصحيح يبين لو من بعد حين
أمير بدنيتى ................=.................................
المزرعة فيها عن الهاجس مفر=وفيها مناظر تسعد القلب الغبين
توسع الخاطر وتاكل من ثمر=وترجع وقلبك ناسي الهم الدفين
واحدمحتار.....................=...............................
تبغى الصحيح إفادتك فيها نظر = تبغى تمشـّيها على العقل الفطين
حنـّا نبيها لاضرار ولاضرر= وأنته تسجّ الرجل فى شوك الغصين
أمير بدنيتى ................=.................................
ياصاحبي لو كان تسهر للفجر=المسأله يبغالها ايمان ويقين
رعدٍ يقرقع بس ماشفنا مطر=نرفع يدينا وانت معنا قول امين
واحدمحتار.....................=...............................
شوف المطر فى اخمال سوّاها زهر = خلا ّ فروع الشيح قوه ماتلين
لسّاع بين الناس عقليه حجر = فى سوق ينبع ماتخاف المعتدين
أمير بدنيتى ................=.................................
اللي يقلب في ملفات البشر=ناسي حساب الله رب العالمين
واللي كما صقرٍ على العليا اشتهر=يسجل اسمه في سجل الغانمين
واحدمحتار.....................=...............................
ليت التمنى جاب للطيّب زفر = كلا ًّ تمنى الفوز ضمن الفايزين
إن ماعرفت العلم فى وضح الجهر = شاوررجال العرف والعقل الرزين
أمير بدنيتى ................=.................................
أخوك ياذيبان بالعلياء ظفر=والآ التمني مايفيد النايمين
ترى النجوم اللي تعلت فالمجر=صعبه تلامسها وانا اللى لك ضمين
واحدمحتار.....................=...............................
من يخطب الحسناء وماعنده مهر = مثل الذى مقصوص رجله واليدين
لايقضب الرايه ولايطلع ظهر =تسمع رحاه اتدور مافيها طحين
أمير بدنيتى ................=.................................
المسألـه يبغى لها عقل وفكر=ويبغى لها اللي يشيل هم المسلمين
القدس تبكي في يدين اهل الكفر=وحنا عن الموضوع سرنا غافلين
واحدمحتار.....................=...............................
توّه صلاح الديـن فكّـر فالخطـر=من بعد عشق الورد وريح الياسمين
لمّا تعـوّد بالسلامـه مـن قطـر=تلقى نتنياهو نصبنـا لـه كميـن
أمير بدنيتى ................=.................................
ماني من اللي راح في دولة مصر=ولاني يابن عساف صاحب صنعتين
واللي بدآ بالعد من سالـب صفـر=يسير مثل اللـي معايـد قريتيـن
واحدمحتار.....................=...............................
لو جبت فالعزبه مسيفر مع سفـر=لاالثّلب متعافى ولا الحاشى سمين
ولا شفت ابن عساف لابس له كمر= فالضربه الوحده طرح له صيدتين
أمير بدنيتى ................=.................................
عمرك قضى وانته تقصص للأثر=تحسب حساب مغادرين وقادمين
وليا سألتك قلت ذا فعل الدهـر=ماكنك إلأ مشارك بغزوة حنيـن
......................................=...................................
= وســـــلامـــتـــكــــــو
.....................................=.....................................
وهذه مداخلات زرياب مع أمير ......= .............................
زرياب ....................=..............................
ما اظن هذا اليوم تلقى لك عذر=مادام أبوماجد على المعنى فطين
يااميرلوتكتب ترى مالك مفر =لكننا نقرى على الشايب ياسين
أمير بدنيتى ................=.................................
يامرحبا ترحيب غالي بالسعر=وباسم ترى صقرٍاً ليا حلق ذهين
ماعذب القلب غير كثر الفكر=وماشيب الراس غير المولين
زرياب ....................=..............................
يامرحبا بك بعد هذاك السفر=وادعي وأنا واياك يالله يامعين
لعله الملعاب يحلا والسمر= من بعدهذاك العنى جوه يزين
أمير بدنيتى ................=............................
اهلا هلا بالحر من نسج االحرر=والرب واحد وكلنا له طايعين
والملعبه يبغى لها شخصٍ خبر=ولجودة المعنى ترانا حاضرين
زرياب .....................= ..............................
ماكتبنا الحرف نبغى نختبر=ولاندور غثها هو والسمين
كلها دعابه يستفيد اللي نظـر=نبتسم فيها وتجدنا ضاحكين
أمير بدنيتى .................= ....................................
شوف الهدف واحد ولافيها خطـر=واستفدنا من علوم الاولين
دايماً ناخذ من البحر الدرر=وان دحمنا ندحم بجنبٍ متين

..................
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 30-05-11, 08:44 am   #5
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

المحـــاوره رقـــــم ( 5 )


واحد محتار ................=
ياصاحبى جالك مع الكشف حســّاب=يحسب لك المدخول فى حساب جارد
ربى عطاه العرف فى علم الأنساب = يعرف ولد حمدان وعيال حامد
عند الخطأ يقرص كما قرصة الداب = وعند الغلا تلقى الظهير المساند
والفكر له شرهه على الناس وعتاب = محفوظ حقه فى جهينه وغامد
وإن شفت يازرياب غلطات الأصحاب = خلـّك على ميقاف الإنصاف صامد
زرياب ............................=
انت سبقت القول وافتيت باعجاب=وتقولي يلزم علينا نساعد
والقول بين والمعاني لها باب=بين القريحه والمشاعر يجاهد
واللي رسم قوله من الفكر مايعاب=لو اختلف رصده وجاب الروافد
مره يصيب ومرة يخطي الشاب=والمهتوي مايهمه انه يكابد
والمجتهد اشوفه بفكره يثاب=يلقى نصيره لا اتته الشدايد
واحد محتار ................=
صاحبك يا أبو سعود لسـّاع ماتاب =لازلت أشوفه فى المحافل يهابد
من ورثة المخلوق حايز له انصاب =يضحك على عقول العرب فالمساجد
زرياب ............................=
ابغى اكشف الاوراق في قول واعراب=عساه ياتي فالعلوم السدايد
الضحك بيـّن والامر ماله احجاب=وانا اقول الحق ماني محايد
واحد محتار ................=
المنتحل حرّيف يلعب بزرياب =ويقش منشور الكتب والجرايد
عاد أنت تدرى وش بلاء أبوك ياعقاب =لو ينكشف قال الخواطر توارد
زرياب ............................=
عقله دليله والعرب بينها الباب=حيا فطين وله حي شاهد
وان كان جابه من ملفات وكتاب=حكمي على مثله شقاوي معاند
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 30-05-11, 08:49 am   #6
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

المحـــاوره رقـــــم ( 6 )


أمير بدنيتى .............=
سلام ربي يالرفاعي قالها واحد فهيم=والاسم من مسماه ياذيبان يأخذ منصبه
قريت مادونت فالشاشة وانا ماني غشيم=لكن ماودي اقول السيف هذا مضربه
واحد محتار ...............=
يامرحبا ترحيب بالشاعر ومرسال الوسيم = لو غيـّر الرجال شنحه مايغـّر مذهبه
من قبل لايرميك فالمطراق ولاّ فالرضيم = ودّب قعودك ياسمى من قبل ما أنك تركبه
أمير بدنيتى .............=
أهلا هلابك يالمرحب عد ماهب النسيم=ابشر بعزك ياوسيع العرف واللي تطلبه
لاتوصي اهل العرف والميقاف والراي الحكيم=اترك قعود الناس خلك في قعودك ودّبه
واحد محتار ...............=
عندى قعودى مدرك الوزعه ولو إنه بهيم= وينزع كما زمل المحايا يوم تنزع للقبه
ماقلتى لى يالقرم كيف الصقر مايمشى سليم=الكشف باسم الغير جاء والفيد حوفة مخلبه
أمير بدنيتى .............=
اعوذ بأسم الله رب العرش رحمان رحيم=الواحد المعبود من ينصره مااحدٍ يغلبه
الله يخلي لك قعودك وانت به تصبح زعيم=اليا بغيت تروح دار العز تمسك بذنبه
..واحد محتار ...............=
لاواخسارة دم قلبى فيك يالرأى العديم=من يوم هذا العِرف عرفك مير بلــّه واشربه
مالوم مثلك يوم شاف العلم جاله فالصميم= الذيل عوّد راس يوم الراس كبّ المَرتبه
أمير بدنيتى .............=
ليتك تخلي دم قلبك فيه لاتغدي سقيم=والعرف باقي عند اهل العرف وانته تندبه
وعلمك خله في ضميرك لانعيم ولاجحيم=وان كان باني لك من اول بني ليه تخرّبه
واحد محتار ...............=
خابرديارك ممحله وأوحيت للخلجاء رزيم = ربى رزقك الديس هات البـَوْ عنده وإحلبه
دقـّيت له فالعظم ياربعى وقطّعت اليديم = والضرب فالميّت حرام ولا درى أنك تضربه
أمير بدنيتى .............=
ياقاتل الموتى علامك قمت تسقي فالهشيم=زمانك اللي راح قمت تجيب فضه وذهبه
حنا ترانا في زمان العولمه وانته قديم=والبّو راح ولايجيبه غير راعي تجربه
...........................=وسلامتكم





...............
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 30-05-11, 08:56 am   #7
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

المحـــاوره رقـــــم ( 7 )



=ابوساره
يا شايب الرحمن مسيـت بالخيـر=غاوي مشاكل جيت وأبغاك والم
قالولي إنك فيك خصلة من الزيـر=والزير سالم وأنت ما ظن سالم
=واحدمحتار
يامرحبا بـك كيـف طبيـت فالبيـر=جابك نصيبى يوم جـاب الغنايـم
الزير كـاد إنـه يصيـد العصافيـر=محشوم سيفى عن ضعاف الحمايم
=ابوساره
مالي بهرج السيف والجب والطير=آنا أتكلّم عن ديـوان المظالـم
اللي سمح للزير طـرد الغناديـر=ورحنا ضحية بين ظالم وحالـم
=واحدمحتار
من يحسد المخلوق ويراقب الغير=يعيش فى حزنه مع الهـم دايـم
ورثة زعيم وحازها عوير وصوير=وش لك غرض مادام أبو زيد نايم
=ابوساره
العمر روّح وأنهكتك المشاوير=لا ينقضي باقيه وسط المحاكم
وإيّاك تاخذ من هذيك العقاقير=وعقلك يقلك حظك اليوم قايم
=واحد محتار
يابو يزيد أقول والعلم لك خير = خلّك بعشك لاتنوش العمايم
لاتجرّفتنه بين حبشان وسمير = وتروح فيها يازعيم النمايم
=أبوساره
عدّت ثلاث أيام من صبح لعصير=لين إنكشف معناى وسط الأوادم
لو كان هندى من جماعة جهنقير =تلقاه من قبل أمس يا خوك فاهم
=واحد محتار
خابرك ماتقوى لطق المسامير =ولا أنت الذى ينخا به ذياب غانم
جبنا المراجل من مراكش وكشمير = وبعـيـّر الديره على الجوع هايم
=أبوساره
تسمع يابن عسـّاف عن تونى بلير=اللى يقوده بوش وقت الولايم
هذاك حظك مير مابه تباشير=ما أقول لك مفطر ولا أقول صايم
...........................=وسلامتكم
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 30-05-11, 09:10 am   #8
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

المحـــاوره رقـــــم ( 8 )


ابوساره ..............=
قولوا لابن عساف يربط حزامه = أو ينتظر فزعة محاميه زرياب
أنا نويت أجيه حتى فمنامه = ( وإن صك باب أفك له 20 باب )
زرياب ...............=
مالك علينا في هجومك ملامه=ياللي نويت العزم ناوي وحرّاب
ياناس في قوله رفيقي علامه=مااشوف خالد حاسبا الأمر بحساب
خالد تعلا فوق ظهر السنامه=معه الرسن والسيف ماسك له نصاب
غاير وساير محتمي في كلامه=واقف على ساقه وفي راس مرقاب
واحد محتار ...........=
سجلت يازرياب ضدك غرامه = أنته تصدّق كل هرّاج نصّاب
نبغى السمين ومانريد الهلامه = اللى تخاسر فيه زرفك ولو صاب
عاشق الحوراء ..........=
حنا نتابع مع جيوش السلامه= اللي تراقب لوحصل فيه منصاب
واحد يغيب ويعتذر في رِسَامه = والثاني بحلبة يفتل بالاشناب
واحدمحتار ...........=
أقول يامسعود ماشى وزامه = توزم على تجهيز جيشك والأتعاب
هى كلها الصيده تراها عجامه = لاتنفع الشارى ولا تفيد جلاّب
عاشق الحوراء ..........=
قد قيل لي محمود وقع بهامه =حتى بصم بالطيب ماهو بالاغصاب
ذيب الشعر خالد يخلد وسامه = واليوم لو غيّر يعلل بالاسباب
واحــــــد محـــــــتـــار ...........=
كلاّ على عقله نحدد مقامه = لو كان نشرى له من السوق الألعاب
وانته كلام الليل تعرف نظامه = نرضى به الخاطر ومن صبحها ذاب
زريــــــــــــــــــاب .............=
ياخالد الشاعر رفع لك حسامه=ومن شدة اقواله انا سرت مرتاب
ناقض حروفه يوم حط العلامه= بالامس شفته موقعا لك بالاعجاب
مدري تواليها تعود ندامه=والاّ يزين القول ويبين كساب
وانت حروفك اغتشتها عسامه=عكـّرعليها الجو ماعاد خلاب
عاشـــق الحـــــــوراء ..........=
لو هو كلام الليل مااصبح سلامه =هذا موثق وانكتب صفحة كتاب
الحر لو كشر عليك بجهامه = تكفي خصيمه منه ضربه بمخلاب
واحــــــد محـــــــتـــار ...........=
واشب المحامى قام تـِرجف اعظامه =يبغى يغطى جوهر العلم بحجاب
اسلم بروحك ياكبير العمامه = واعلم ترى المخلاب مايغلب الناب
عاشـــق الحـــــــوراء ..........=
قل للمحامي علته وش علامه؟ = هناك شوفه لاتردد وترتاب
روح الحقه قدام ليل وظلامه = وان كنت خايف لو تمركع بمشعاب
يمكن يخفف لك عقوبة احكامه = ولا كلامك مير مايطيّر ذباب
وارخاصة الرجال ماهي نشامه = نقدر عليها بس للفقد محساب
واحــــــد محـــــــتـــار ...........=
هذا تحدى مايمسّ الكرامه = ولا يضيـّع المنقود مابين الأصحاب
غير الذى فالراس شايف زعامه = نبغى نحطه بين مـِخـْبـَطْ ومغراب
أبو ســـــــــــــاره ..............=
ماني زعيم الشعر يابو دلامه = ما أحب أنا الشهره ولا أحب الألقاب
لكني أكره مدّعين الفهامه = اللي قوافيهم تجي غصب وارهاب
لا شفت أحدهم قلت صاحب فخامه = شاعر فصيح لسان ويجيد الإعراب
بس المشاعر يا عساها العدامه = ما فادها التشليح ولا يفيد سكراب
واحــــــد محـــــــتـــار ...........=
توّك تجينا من معالى تهامه = ومن العسل والسمن مالى لك اجراب
العلم حوّل عن مداليك قامه = والحوت غيـّرعن مجالبك مجلاب
زريــــــــــاب ...............=
ضربك قوي وحامياتٍ سهامه=وانت الذي دايم للاهداف صواب
مثل الصاروخ يجيبها فارتطامه=لما يثوروثورته تحل الانشاب
للعرف دوله ماتجي بالهيامه=وماتوافق اللي مهتويها بلاحساب
تاتي مع اللي منصفا في كلامه=يومه يجيب القول كالورد منساب
واحــــــد محـــــــتـــار ...........=
يستاهل اللى حط فالقيل شامه = وزوْد المعرفه طشّته بين الأطناب
لازم نعالج موقفه فى صرامه = حتى يبين الراس وتبين الأذناب
أبو ســـــــــــــاره ..............=
لا غاب نجم .. نجوم قامت مقامه = ترجم على روس الشياطين بشهاب
وإنته لك الله صيد سهل التهامه = أسهل من الكذبة على لسان كذّاب
واحــــــد محـــــــتـــار ...........=
فى غيبتك حنـّا لقينا طـِعامه = حاش القدر حنجورها بين الأنياب
شوف الرّجـَال إتـْذَل ماهى شهامه = تحسب حساب السم فى قرصة الداب
أبو ســـــــــــــاره ..............=
يا واحد(ن) محتار كب اللئامه = وإياك تاكل عن محاميك الأتعاب
يكفي خبر بوش الصغير وأسامه = اللي بسببهم سيطرت شِرعة الغاب
واحــــــد محـــــــتـــار ...........=
يا اخوك أنا قصّيت جـُرّة نعامه = ومن بعدها قصّيت لى جرّة غراب
من قـلـّة الخبره وغزر الغشامه = تبغى الظهور وطبـّت يدين قصـّاب
أبو ســـــــــــــاره ..............=
أبشِّرك ما حقق الله مرامه = ما هي وكالة يخشها دون بواب
تبقى الأخوة لين يوم القيامة = واللي سعى للشر ما بيننا خاب
واحــــــد محـــــــتـــار ...........=
وهالحين نبغى المسك تالى ختامه = لانقول يامغلوب ولا نقول غلاّب
والشعر له محراب تعرف إمامه = ليا شفت عمك فيه تركـُن بسرداب





.................................................. .............
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 30-05-11, 09:46 am   #9
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

المحـــاوره رقـــــم ( 9 )


واحد محتار


أقول يا أبو سعود ماشفت مسعود = حنّا مدحنا فيه نبغى نجيبه
شاعر وقلنا يثرى القسم ويجود = من درّة أفكاره ومن نفح طيبه
أظن يبغى نشوف له شخص معدود = حتى يجيبه بعد ما ننتخيبه
ومن بعد تر ّكنا ولا جاب مردود = نجرى ورا الرجّال ولا ّ نسيبه



عاشق الحوراء

مسعود باقي لين ماباقي وجود = والمدح يامحمود ماني طليبه
والشعر ماعندي كثر عند محمود = شاعر ولايلقى بها من صعيبه
لاتظن لا لاتشوف ماشئ منشود != شعري فداك ونخوتك له حبيبه
ان كان مايعجبك زرياب موجود = شاعر وله بالشعر حبكه رهيبه


زرياب

مسعود فالسوده ترى اليوم محسود=رامي حموله وحالته به عجيبه
مايشتكي من غيض اوحر ولهود=هتان عنده وقولنا مايثيبه
مسعود يكتب لانوى القول ويسود=حتى حروفه لا اتتنا رهيبه
اشوف رده جاء على الكيف ويزود=معناه راقي مايجيبه غصيبه



أبو ساره

من خش قسم الشعر مقرود مقرود = مصيبته لا ما وراها مصيبه
مقعي له الشايب ورى باب موصود = وزرياب حول الباب يرمي لبيبه
مسعود لا يلعب على عقلك العود = ثمين ياخذ ما بوسط الحقيبه
ترى المواهب بين حاسد ومحسود = ولا يدري المومن عن اللي يصيبه



عاشق الحوراء


الشعر مايقصر على حي محدود = وانت يابو ساره رجل ماتهيبه
الشايب اللي كنه اليوم مفرود = فيه الشباب وكل علم يحكيبه
لاتخاف ماتضحك علي جملة أسود = عارف مطب الرجل واللي تصيبه
والمعطي الله ماعلي كل منقود = لاصار ماله خانةً مااعتنيبه



واحد محتار

لوجاب برشومى معه طلح منضود = ومن الشفا جاب العسل من قليبه
ابهذه الحاله وحنـّا له شهود = فى غيبة الصاحب تذكـّر صحيبه
لكن ماعيـّنت من صاحبك جود = مريوس لو إنك تشوفه رقيبه
وبعدين يا أبو سعود ياقرم مرشود= من هو بعد ماغبت فك الزريبه
تطلـّقت سود البواهش مع الدود = وصارت بقسم الشعر فوضى غريبه






أبو ساره

يا من نويت الشر والعزم معقود = جتني تواصيف المعاني كئيبه
تعال بيني وبينك حساب مجرود = عهد عليّ القاف تسمع نحيبه
ما حي ينقدني ولا نيب منقود = ولا همني فرق الشباب ومشيبه
عزاه يامن يشتهي شهوة قرود = لا شاف موزه قال وين الذهيبه ؟




زرياب

انت قوي العزم في قولك نقود = ياحيف كل الناس صارت تعيبه
الكل يشره على القول ويذود = ويقول هذا عيب والله مصيبه
كيف الخواطر من بعد جودها تعود= ويروح معناها وتصبح نهيبه
ملفى الادب رديته اليوم للسود = سود البهايم يومها تختليبه
حنا ندور للادب جمله وفود = وانت مع الزوار تبغى نشيبه





واحد محتار

يا أبو يزيد علومنا سهود ومهود = لافيك من شـِكّه ولافيك ريبه
حنـّا دخلنا مزح والمزح ممدود =مافيه متفوّق ولاشى غليبه
ومقداركو محفوظ بالطيب معهود =والشعر لو له ذيب حتى أنت ذيبه
يا أصحابنا وإبليس له سمع مسدود =حتى الصفا لايصير جـوّه رويبه




................


................
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......

التعديل الأخير تم بواسطة واحدمحتار ; 30-05-11 الساعة 10:05 am
واحدمحتار غير متواجد حالياً   رد مع اقتباس
     

رد: مــحـــاورات شـعــريه رائعه بين أعضاء المنتدى
قديم 31-05-11, 02:17 pm   #10
واحدمحتار
مراقب المنتديات الأدبية
 
الصورة الرمزية واحدمحتار
 
تاريخ التسجيل: 22- 07 -2004
المشاركات: 5,952
واحدمحتار is on a distinguished road
افتراضي رد: مــحـــاورات شـعــريه رائعه بين أعضاء المنتدى

................

المحـــاوره رقـــــم ( 10 )




واحـــــد محتـــــــار ............... =
ياعاشق الحوراء ترى عندى شهود = ومزكـّيه تثبت لنا العلم الصحيح
يوم البخت ودّاك من خلف الحدود = راع الشجاعه ليش مايبقى صريح
عاشــق الحــــوراء ...............=
يامرحبا بالعلم بدري للجحود = يالشاعر اللي كل ماهرول يطيح
قالوا دفعت من الدراهم والنقود = يوم ان جاك الامر لقيت الصفيح
واحـــــد محتـــــــار ............... =
ماقلت يازرياب لا تبرا الشرود = من قبل ماترميه حصلته ذبيح
شب الحطب وإبعد عن النار الشنود= وإن شاطت الصيده نقطعها شريح
عاشــق الحــــوراء ...............=
اللي سلاحه بالتزعق والوعود = ماحرك الشارة نهار انه يصيح
وان كانت الاوراق منتهية تعود= لاجدِدَتْ والقلب في عزمه نصيح
واحـــــد محتـــــــار ............... =
الله يكفى صاحبى شر الحْسُود = مايورى الخـِلاّت لو إنه جريح
يومك تحوّم فالبرارى والنفود = غيرك ذبح شاته وسوّى له رديح
عاشــق الحــــوراء ...............=
تموت سحلية بحرها فالسهود = لاتبّعت خلف الجمل بهبوب ريح
بين الظماء والجوع ولفوح البرُود = مَاينِشد عنها تضيّع وسط شيح
واحـــــد محتـــــــار ............... =
سحليّتى ماتت مع الضاحى سنود = والصوت ماينفع ليا طب الفصيح
والشيح فعله زين من ماضى العهود =يكتب لك التاريخ وأنته مستريح
عاشــق الحــــوراء ...............=
الفاطر اللي لفخها لفخ الحقود = يوم ان طشتكم على الصمدة طريح
فكْوك عند ايدينها تحل القيود = يكفيك ماتبغى عن الماضي مديح
واحـــــد محتـــــــار ............... =
يازين لفختها ترى الناقه ودود = ميرالعرب ماتعطى العلم البريح
ولاصار ماهى ورث من عهد الجدود = تمسى خبر والصبح تصبح فالضريح
عاشــق الحــــوراء ...............=
لو كان قابلت الحقايق بالصدود = مايبري الإنكار وجهك يامليح
ماني ملقّي للأساطير الزنود = تلقى لها مقرود فالكون الفسيح
واحـــــد محتـــــــار ............... =
إسمح لنا ننشدك عن بعض البنود = اللى مِغيّــب سرها فى بطن بيح
إنشد الياحصّلت فالحَرّه حشود= من لحـّف الإسفلت حتى مايسيح
عاشــق الحــــوراء ...............=
من يوم شفت انك تخبِّط فالردود = أركزت رشاشي وعذّلت القديح
ما غير ابن عساف مايوزم جهود= طقة عصا تغديه لا طلّّع وحيح
واحـــــد محتـــــــار ............... =
إبشر بطول العمر ياعقب الفهود= يوم الفرزدق جالك يطابح طبيح
ضرب العصا مايفيد فى ضرب الفرود= واللى بليـّا قرون مايقوى النطيح
عاشــق الحــــوراء ...............=
طول العمر ماهو بكيفك به تجود = ولاني مصدق هرج رهبان المسيح
قُرب رمضان أقول علك بالركود = وأدعي لك التوفيق في علمٍٍ فليح
.......................................=
__________________





نقرتين لعرض الصورة في صفحة مستقلة


.......

أول خطوه نحو الفشل ترك الصلاه

......


نقرتين لعرض الصورة في صفحة مستقلة








......

التعديل الأخير تم بواسطة واحدمحتار ; 01-06-11 الساعة 05:39 pm
واحدمحتار غير متواجد حالياً   رد مع اقتباس
     
إضافة رد

الكلمات الدلالية (Tags)
أعضاء, مــحـــاورات, المنتدي, بين, رائعه, شـعــريه
     


الذين يشاهدون محتوى الموضوع الآن : 1 ( الأعضاء 0 والزوار 1)
 
     
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
     
الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
تحليل شخصيات أعضاء المنتدى . حلاتي بشخصيتي (منتدى الالعاب والمسابقات الترفيهية) 64 15-07-11 09:14 pm
أبي ترحيب من أعضاء المنتدى .....ممكن؟؟؟؟؟ ع م خ منتدى الترحيب والتهاني 10 03-04-09 11:48 am
إلى جميع أعضاء المنتدى والزوار الكرام أصيل منتدى الترحيب والتهاني 9 30-03-06 08:49 pm
إلى أعضاء المنتدى الكرام . . مكابر المنتدى الــعــام 8 11-10-02 03:12 pm


الساعة الآن 11:16 am

Powered by vBulletin® Version 3.8.7
Copyright ©2000 - 2014, vBulletin Solutions, Inc.
جميع مايكتب يعبر عن وجهة نظر كاتبه ولايمثل راي الادارة

 
1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96